Гродненская областная организация Белорусского профсоюза работников здравоохранения
230023, г. Гродно, ул. Советская 4
Тел./факс: 8 (0152) 77-15-94
Email:
События профсоюзаНовости и статьи

Прэзентацыя кнiгi “Чужы”

Прэзентацыя кнiгi “Чужы”
17 августа 2017 — 11:28

Супрацоўнікі Гродзенскага РУП “Фармацыя” прынялі удзел у прэзентацыі кнігі “Чужы”.

У Гродне ў зале Свята-Пакроўскага сабора адбылася прэзентацыя кнігі Валянціна Дубатоўкі, над якой ён працаваў чатыры гады. У яе увайшлі аповесць “Чужы”, апавяданні “Брат”, і “Іосіф”, прысвечаныя трагічным старонкам беларускай гісторыі – 1930-1950-м гадам.

Спадар Дубатоўка запрасіў калектыў нашай арганізаціі прыняць удзел у прэзентацыі. Старшыня прафсаюзнага камітэта і супрацоўнікі аптэчнага складу прыйшлі на сустрэчу з кветкамі, каб павіншаваць віноўніка урачыстасці з яркай падзеяй і з днем нараджэння. Прысутнічалі пісьменнікі з Мінску, Масквы, і свае – тутэйшыя, родныя, сябры. Шмат добрых водгукаў выказалі аб аповесці. Бацька Валянціна таксама узяў слова, і пасля выступлення яму доўга апладыравалі за тое, что выхаваў такога таленавітага сына (у яго іх тры), что прайшоў вайну, што ні страціў павагу да людзей.

Валянцін Дубатоўка – сябар нашага прадпрыемства. Дапамагаў нашай спартыўнай камандзе рыхтавацца да валейбольных спаборніцтваў; праводзіў цікавыя экскурсіі; прысутнічаў на нашых паэтычных сустрэчах, дзе чытаў свае творы; напісаў верш на 70-годдзе Гродзенскага РУП “Фармацыя”, якім адкрылі ўрачыстасць.

На сустрэчу я ішла ўжо падрыхтаванай – прачытала яго кнігу. Падзеі, апісаныя ў творы вельмі мяне ўразілі. Яшчэ большую цікавасць выклікала тое, что мая малая радзіма – гэта Слонімскі павет, і праз Дзярэчын я шмат разоў праязджала, а мой дзед служыў у польскай арміі. Прачытаўшы аповесць, мне стала зразумела, што адбывалася ў тыя гады. Ні адна гістарычная даведка ні пакажа так яскрава той жах і боль, якія перажылі нашы суайчыннікі. Валянцін Дубатоўка змог паказаць на прыкладзе аднаго мястэчка гістарычны лёс ўсей Заходняй Беларусі.

Сёння Валянцін Дубатоўка з’яўляецца старшыней Гродзенскай абласной арганізацыі Саюза беларускіх пісьменнікаў. У яго планах – кнігі пра сучаснасць, пра праблемы маральнага выбару чалавека. Пажадаем пісьменніку творчага натхнення.

Ніна Серая, старшыня пярвічнай прафсаюзнай арганізацыі Гродзенскага РУП “Фармацыя”



© 2018 Гродненская областная организация Белорусского профсоюза работников здравоохранения