Гродненская областная организация Белорусского профсоюза работников здравоохранения
230023, г. Гродно, ул. Советская 4
Тел./факс: 8 (0152) 62-44-32
Email:
События профсоюзаНовости и статьи

Другое дыханне “Астраўчанкі”

Другое дыханне “Астраўчанкі”
07 июля 2015 — 15:52

Дзякуючы арганізатарам раённага фестывалю-конкурсу народнай песні і танца “Святочны карагод”, падтрымцы адміністрацыі і прафсаюзнага камітэта пярвічнай прафсаюзнай арганізацыі, супрацоўніцы ўстановы аховы здароўя “Астравецкая цэнтральная раённая бальніца” скарысталі магчымасць паказаць сваё майстэрства. Яны змаглі не толькі аднавіць свой рэпертуар, але і развучыць некалькі новых твораў.

Неабходна зазначыць, што ў перыяд падрыхтоўкі да выступлення, у калектыў прыйшлі новыя аматары народнай песні. Сярод іх загадчыца раённай паліклінікі Сухенка Наталля Уладзіміраўна, загадчыца тэрапеўтычнага аддзялення паліклінікі Мажэйка Дзіна Аляксандраўна і супрацоўніца кадравай службы Пратаковіч Юлія Анатольеўна.

І загучала народная песня зноў. Усе, хто праходзіў каля кабінета старшыні прафсаюзнага камітэта, ў якім праходзілі рэпетыцыі, прыпыняліся і слухалі народныя песні ў выкананні медыцынскіх работнікаў. Па тварах маладых і больш сталага ўзросту жанчын і мужчын, якія наведвалі ў гэты час раённую паліклініку, было відаць як яны атрымлівалі асалоду ад пачутых, напалову забытых матчыных песен. Здавалася, што песні ў выкананні “Астраўчанкі” вярталі іх ў тыя далёкія гады, гады дзяцінства і напаміналі песні матуль. Акапэльнае выкананне песен не такое ж і простае, як здаецца на першы погляд. А каб кожная песня ў выкананні фальклёрнага калектыву не толькі гучала, а і закранула душу слухачоў і запомнілася на доўга – вялікая заслуга мастацкага кіраўніка калектыву Анастасіі Ляховіч.

І вось надыйшоў час раённага фестывалю-конкурсу. На ўпрыгожаную сцэну, зладжаную пад адкрытым небам у аграгарадку Гервяты, падымаліся адзін за адным працоўныя калектывы. Загучала ва ўсю сваю моц народная песня. Лёгкі ветрык падхапляў яе і нёс далей. Маўляў - слухайце людзі і радуйцеся, народная песня жыве і будзе жыць надалей. А песня “Ой сівы конь бяжыць”, у выкананні калектыва медыцынскіх работнікаў Астравецкай бальніцы, прымусіла прабегчы “мурашкам” па скуры ў многіх гледачоў ад мастацкага выканання твора.

У выкананні  трыо ў складзе Дануты Субаткевіч, Анны Юруш і Чэславы Песляк прагучала песня “Месяц дагарае”.

Гледачы не скупіліся на шчырыя апладысменты ў адрас выканаўцаў народных песен. Кампетэнтнае журы ў сваю чаргу дало высокую аддзнаку выступленню аматарскага калектыва, узнагародзіўшы Дыпломам другой ступені у намінацыі “Вакальны дуэт, трыо” і Граматай за трэцяе месца сярод вакальных калектываў. Брава дзяўчаты!

Другое дыханне, якое адкрылася ў аматарскага калектыва, гэта добры знак на тое, што народная песня жыве і будзе з любоўю перадавацца з пакалення ў пакаленне. У добры шлях “Астраўчанка”!

Т.З.Субаткевіч, старшыня пярвiчнай прафсаюзнай арганізацыі УАЗ “Астравецкая цэнтральная раённая бальнiца”




НОВОСТИ ПРОФСОЮЗА


Актуальная информация

01.04.2020 КАК ОФОРМИТЬ САМОИЗОЛЯЦИЮ ОФИЦИАЛЬНО? ОТВЕЧАЕТ ЮРИСТ
Как официально оформить «самоизоляцию», если работник вернулся из-за границы, и за сколько дней наниматель обязан предупредить сотрудников о карантине?
30.03.2020 ПЕРВАЯ СУББОТА – РАБОЧАЯ: КАК БЕЛОРУСЫ БУДУТ ТРУДИТЬСЯ И ОТДЫХАТЬ В АПРЕЛЕ
Согласно постановлению правительства № 688 от 9 октября 2019 года в первую субботу месяца придется потрудиться.
© 2020 Гродненская областная организация Белорусского профсоюза работников здравоохранения